विर्तामोड । रवीकिरण वान्तवा, नायिका ऋचा शर्मा अभिनित चलचित्र सारंग गत शुक्रबारदेखि देशैभरका हलहरुमा प्रर्दशन भइरहेकोछ । बाल मनोबिज्ञानको जगमा टेकेर अन्य संरचनाहरु खडा गरिएको चलचित्रलाई दर्शकहरुले राम्रै साथ दिइरहेका छन्। कोरियोग्राफरको रुपमा राम्रै पहिचान बनाएका प्रशान्त तामाङको लेखन तथा निर्देशन रहेको उक्त चलचित्र कस्तो छ त ? आउनुहोस बिषय वस्तुमा प्रवेश गर्नु पूर्व स्पोइलर नगरीकन एउटा कथा तपाईलाई सुनाउछु ।
कथा बर्तमान परिवेशको कृष्णा र सुदामाकोहो । बाँसुरी बजाएर गोपिनीहरुलाई मन्त्रमुग्ध पार्ने कृष्णाको वाल्यअवस्था यतिबेला पारिवारिक अभाव र गरिबीको भुमरीमा फसेको छ । धन बटुल्न शहर छिरेका उनका पिता र उ सानो टहरामा घाँमपानी र रात छल्दै गल्ली गल्ली र भिडहरुमा बाँसुरी कै व्यापार गरिरहेका छन्। ती नै गरिब कृष्णाको टहरा अगाडी बिशाल राज महल ठडिएको छ । त्यस महलमा राजा रानी र राजकुमारको बास हुनु पर्ने हो तर अपसोच रानी र राजकुमार मात्र बस्छन्। राजा र रानी बिच उत्पन्न शंकाहरुले उनीहरुको संबन्ध डिवोर्सको तयारीसम्म पुगेको छ । राजकुमारको इच्छा छ कि, उनको मातापिताको संबन्ध सुध्रियोस र पुन फेरि पहिला झै प्रेमका बास्नालेयो महल सुगन्धित बनाइदिइरहोस । उसंग भौतिक सुखसुबिधा सब छ तर शून्य र एक्लो छ उ । माता र पिता बिचको टकरावले उ बिचलित बनेको छ । उमेरसंगै उत्पन्न उ भित्रका भावना र बैचारिक बिचलनहरु सुनिदिने कोहि पनि नभएको महशुस गरिरहन्छ राजकुमार ।
पुजाकोठामा बाँसुरी बजाइरेको भगवान कृष्णाको मुर्तिलाई देखाउदै राजकुमारले रानीलाई प्रश्न गर्छ “कृष्णा भगवानले किन बासुरी बजाइरहेको माता ?” संगित प्रति लगाव भएका राजकुमारले रानीबाट जुन उत्तर पाउछ , त्यसले उसलाई बाँसुरी प्रति लगाव बढाइदिन्छ । एकदिन सधै झै उ स्कूलबाट घर फिर्दै गर्दा बाँसुरी बजाउदै बाँसुरी कै व्यापार गरिरहेका उनकै उमेरका ती गरिब बालकलाई देख्छ । त्यस दिन देखि यता, उ मन मनै ती बालकलाई कृष्ण र आफुलाई सुदामाको रुपमा कल्पना गर्न थाल्छ ।
कथा अगाडी बढदै जादा आउने उतावचडावलाई मैले यहाँ भनिन्। बादलले छोप्दै मैले सुनाएको कथा पुरा गर्न तपाई नजिकैको सिनेमा हलसम्म पुगेर सारंग लाई साथ दिनुपर्ने हुन्छ । जहाँ यहि माघ २५ गते देखि अन्य दुई चलचित्रसंगै चलचित्र सारंगले पनि देशै भरिका हलहरुबाट आफ्नो दाैड शुरु गरि सकेको छ । चलचित्रले परिवारको लागी धन संकलन गर्दा गर्दै परिवार नै बिर्सिएकाहरुलाई छुन्छ । श्रीमान श्रीमती बीच उत्पन्न टकरावले बाल मास्तिष्कमा पार्ने असरलाई देखाउदै मित्रताको कथा पनि भन्छ ।
असलमा यो शहरको कथा हो । जहाँ बाच्नलाई दिनहु युद्ध लडिरहनुपर्छ । अनि दर्पण र बच्चनको माध्यमद्धारा कृष्णा सुदामाको मित्रतालाई सम्झिएको एउटा अलग कथा पनि हो यो । चलचित्रमा बालकलकार आदित्य कार्की र साम्राट थापाले पाएको रोललाई न्याय गरेका छन्। उनीहरुको अभिनय तारिफ योग्य छ । ऋचा शर्मा र उत्पाल झाले माता पिताको रोलमा शसक्त अभिनय गरेका छन् । छोटो रोलमा देखिएता पनि बिर्तामोड १० की अनिशा न्यौपानेले सिनेपर्दामा सम्भावनाका ढोकाहरु राम्रैसंग खोलेकी छिन्। गीतहरु कथासंगै बग्छ । चलचित्र हेर्दै गर्दा कतिपय दृष्य र संबादहरुले दर्शकहरुलाई इमोसनल बनाउछ । प्रेम तामाङ र फूलमाया तामाङ द्वारा निर्मित चलचित्र सारंगले मनोरञ्जन संगसंगै अभिभावकहरुलाई सचेत पनि गराएर जान्छ । समग्रमा चलचित्र एकपटक सबैले हेर्न छुटाउनै नहुने बनेको
छ ।
