Preeti to Unicode

Unicode to Preeti

नेवा पासा मुन्ना पुच बिर्तामोडको ३१ औँ साधारण सभा सम्पन्न

बिर्तामोड: नेवार समुदायका बालबालिकाको भाषा, संस्कृति, र परम्पराको संरक्षण तथा प्रवद्र्धनमा योगदान गर्दै आइरहेको नेवा पासा मुन्ना पुच को ३१औँ साधारण सभा बिर्तामोडमा सम्पन्न भएको छ ।

कार्यक्रममा संस्थाका पदाधिकारी, सदस्यहरू तथा नेवार समुदायका विशिष्ट व्यक्तित्वहरूको उपस्थिति रहेको थियो । सभामा विगतका गतिविधिहरूको समीक्षा, आर्थिक प्रतिवेदन पेश, र आगामी वर्षका योजना निर्माण जस्ता महत्वपूर्ण एजेन्डामा छलफल भएको थियो ।

साधारण सभामा संस्थाले नेवार समुदायका बालबालिकाहरूलाई नेवारी भाषा सिकाउने कक्षा सञ्चालन, सांस्कृतिक कार्यक्रमहरू आयोजना, तथा सामाजिक कार्यहरूमा सक्रिय सहभागिता जस्ता विभिन्न कार्यक्रमहरूलाई थप प्रभावकारी बनाउने निर्णय गरेको छ ।

संस्थाका अध्यक्ष दिनेश क्षेष्ठले नेवार संस्कृतिको जगेर्ना गर्न समुदायको सक्रिय सहयोग आवश्यक रहेको बताउनुभयो । उहाँले सबैको साझा सहकार्यले मात्र संस्थालाई प्रभावकारी ढङ्गले चलाउन सकिने बताउनुभयो । साथै उक्त कार्यक्रममा जेष्ठ नागरिक तथा शैक्षिक क्षेत्रमा महत्वपुर्ण योगदान पुर्याउनुभएको विशिष्ठ व्यक्तिहरुलाई सम्मान गरिएको थियो ।

सहभागीहरूले समुदायको एकताले मात्र भाषा, संस्कृति र परम्परालाई जोगाउन सकिनेमा जोड दिए । कार्यक्रमकी प्रमुख अतिथि कोशी प्रदेश सभा सदस्य माननीय यसोधा कायस्ताले धर्म र संस्कृति जर्गोना गर्न सबैले आ–आफ्नो ठाउँबाट महत्वपुण भुमिका खेल्नुपर्ने बताउनुभयो ।

सम्बन्धित
- Advertisment -




लोकप्रिय