बिर्तामोड, २ चैतः प्रेस चौतारी नेपाल झापामा स्थापित पत्रकार उपचार सहयोग कोषका परिकल्पनाकार, पूर्व जिल्ला अध्यक्ष तथा हाल केन्द्रीय सदस्य गोपाल काफ्लेले आफ्नो जन्मदिनको अवसरमा कार्यलय प्रयोजनार्थ एक सेट फेन प्रदान गर्नुभएको छ ।
कार्यक्रमका बिच पत्रकार काफ्ले आफ्नो जन्मदिनको अवसरमा प्रेस चौतारीले स्थापना गरेको पत्रकार उपचार सहयोग कोषमा दिनको १ रुपैया गरेर जीवनको व्यतित भइसकेको दिन बराबर १९ हजार,९ सय ८० रुपैया सहयोग गर्ने घोषणा समेत गर्नु भएको छ ।
चौतारीको कार्यालयमा आयोजित एक कार्यक्रमका विच उपचार कोषकी संयोजक भिमा शिवाकोटीले प्रेस चौतारी नेपालका केन्द्रिय सदस्य काफ्लेलाई जन्मदिनको शुभकामना दिदै, घोषणाले पत्रकार उपचार कोष बृद्वीका निम्ति सहयोग पुग्ने बताउनुभयो ।
उहाँले यस्ता सुन्दर र प्रेरणादायी कदमले नै समाज रुपान्तरको थालनी हुने बताउनुभयो ।
आज बिर्तामोडस्थित प्रेस चौतारी झापाको कार्यालयमा सामाग्री हस्तान्तरण गर्दै उहाँले भन्नुभयो, ‘यस विशेष दिनमा मेरो प्यारो संगठनको जिल्ला कार्यालयमा आवश्यक पर्ने एक थान सिलिङ पङ्खा हस्तान्तरण गर्न पाएँ, खुसी लागेको छ।
’ योसँगै उहाले पत्रकार उपचार सहयोग कोषमा दिनको एक रुपैयाँका दरले हुन आउने रकम हस्तान्तरण गर्ने प्रतिबद्धता पनि जनाउनु भएको छ ।
उहाँले फजुल खर्च गरेर जन्मदिन मनाउने पछिल्लो चलनलाई चिर्दै कोषको महत्व बुझेर रकम सहयोग गर्ने घोषणा गरेको बताउनु भयो
कार्यक्रममा पत्रकार महासंघ कोशी प्रदेशका सदस्य राजकुमार ओली, पत्रकार महासंघ झापा जिल्ला उपाध्यक्ष सुव्रत न्यौपाने, पत्रकार महासंघ झापा जिल्ला सह–सचिव रमेश तिवारी, प्रेस चौतारी नेपालका जिल्ला सदस्य भरत प्रसाई, अस्मिता साँखी, कबि गुरागाइ, रवीकरण वान्तवा ,लगायतको उपस्थिती रहेको थियो ।
