Preeti to Unicode

Unicode to Preeti

जिल्लास्तरीय महिला फुटबलको उपाधि कनकाई महिला फुटबल टिमको पोल्टामा

कनकाई , झापाको कनकाईमा भएको जिल्ला स्तरीय महिला फुटबल प्रतियोगिताको उपाधि कनकाई महिला फुटबल टिमले हात पारेको छ ।

कनकाई खेलकुद प्रतिष्ठानको आफ्नो वार्षिक क्यालेण्डरका रुपमा रहेको प्रतियोगिताको नवौं संस्करणको उपाधि कनकाई महिला फुटबल टिमले हात पारेको हो ।

काकरभिट्टा महिला फुटबल टिम र कनकाई महिला फुटबल टिम बीच भएको प्रतियोगितामा ३ —० गोलको अन्तरले कनकाईले उपाधि चुमेको हो । उपाधिसँगै कनकाईले १ लाख १ हजार नगद सहित मेडल, ट्रफी र प्रमाण पत्र प्राप्त गरेको छ ।

9c8ecb22-305f-4099-8142-c9d7cf4e8fa7

उपविजेता बनेको काकरभिट्टा महिला फुटबल टिमले नगद ५१ हजार सहित मेडल, ट्रफी र प्रमाण पत्र प्राप्त गरेको छ ।

प्रतियोगितामा कनकाई महिला फुटबल टिमकी जेनिफर राना म्यान अफ द म्याच घोषित भइन् । उनलाई जामुनबारी सामुदायिक वन समुहका सचिव दिपक ओलीले स्पोन्सर गरेको नगद पुरस्कार र मेडल प्रदान गरिएको छ ।

त्यस्तै प्रतियोगिताको  सबै विधामा विजेता टिमका खेलाडीले अवार्ड प्राप्त गरेका छन् । यसै क्रममा बेष्ट डिफेन्डरका रुपमा खुस्मा राई, बेष्ट मिड फिल्डर सन्जु राई, बेष्ट गोल किपर शुसिला चौधरी, सर्वाधिक गोल कर्ता समिक्षा मगर र सर्वोत्कृष्ट खेलाडी सिम्रन राई घोषित भए ।

सबै विधामा विधागत नगद पुरस्कार र मेडल प्रदान गरिएको खेल संयोजक गीता गरेलले जानकारी दिइन् ।

पुर्वकै प्रसिद्ध पर्यटकीय क्षेत्र जामुनबारी सामुदायिक वन एवं जामुनखाडी सिमसार क्षेत्रको खेल मैदानमा शनिवार सम्पन्न प्रतियोगितामा जिल्लाका ८ वटा टिमको सहभागिता रहेको थियो ।

 

सम्बन्धित
- Advertisment -




लोकप्रिय