सुरिलो स्वरकी धनी उषा मलाहा सिम्रनको स्वरमा सुसज्जित केही दिनअघिमात्र सार्वजनिक भएको चट्टै पारेर बोलको तिजगित ले उल्लेखनिय दर्शकको मन जित्न सफल भएको छ । रिलिज भएको छोटो समयमै सामाजिक सञ्जाल युटुबमा यसलाई साढे तिनलाख बढी दर्शकले हेरिसकेका छन भने गित अत्याधिक मन पराएको प्रतिक्रिया पनि भिडियोमा देख्न सकिन्छ ।
चर्चित गितकार डिपि खनालले रचना गर्नुभएको उक्त गितमा देवेन्द्र बरालको संगित रहेको छ भने यसलाई विश्व अधिकारीले संगित संयोजन गर्नुभएको हो । भिडियोतर्फ चर्चित कलाकार सुनिशा बजगाई र शुशिला थापाको मुख्य अभिनय रहेको छ । गितको अडियो भर्जन जति सुमधुर छ तिज विशेष अवधारणा सहित सशक्त कलाकारको अभिनयले भिडियोलाई उत्तिकै आकर्षक बनाएको छ । तिज आउन केही समय बाँकी रहेपनि सोहीबखत सम्पूर्ण काम एकैपटक सम्भव नभएकाले पूर्वतयारीसहित तिजअघि नै भिडियो सार्वजनिक गरेको गायिका मलाहा बताउछिन् ।
पूर्वी जिल्ला झापाको धुलावारीमा जन्मिएकी गायिका उषा बाल्यकालदेखि नै गित संगितमा रुचि राख्थिन । अत्याधिक संगित मोहकै कारण उनले राजधानी काठमाडौँलाई कर्मथलो बनाई उनले डेढ दर्जन बढी गित गाइसकेकी छिन भने चलचित्रको गितमा समेत उनको आवाज सुन्न सकिन्छ । । बैना, आकांक्षा, वास्तुशास्त्र लगायतका चलचित्रमा स्वर दिइसकेकी उनले थुप्रै अवार्डहरुसमेत प्राप्त गरेकी छिन् । हिमालयन इन्टरनेश्नल अवार्ड २०२१, नेशनल क्यापिटल अवार्ड २०७७, नेपाली आर्ट कल्चर म्युजिक अवार्ड २०७७ उनले प्राप्त गरेका मुख्य अवार्डहरु हुन् । यसबाहेक थुप्रै संघ संस्थाबाट उनी सम्मानीत भइसकेकी छिन् ।
कुनै समय रेडियो प्रस्तोताको समेत परिचय बटुल्न सफल उनले केही समय रेडियो अन्नपूर्णमा आरजेको रुपमा समेत काम गरिन् । तत्पश्चात कामको शिलशिलामा अमेरिकातर्फ प्रस्थान गरेकी उनी त्यहाँ रहेर पनि आफनो सँगितिक करिअरलाई अघि बढाइ नै रहेकी छिन् । संगितप्रति अथाह लगाव भएकी उनी विश्वको जुनसुकै कुनामा पुगेपनि सांँगितिक करिअरलाई निरन्तरता दिने बताउँछिन् ।
