समाचार

सिन्धुलीमा नै पिसिआर जाँच गर्ने ल्याव स्थापना गर्न पहल सुरु

सिन्धुली, १५ जेठ २०७७

छिमेकि जिल्लाहरुमा कोरोनाको संक्रमण दर उच्च दरमा बढि रहेको भन्दै जिल्लामा नै पिसिआर जाँच गर्ने ल्यावको स्थापना गर्न पहल सुरु भएको छ ।

आज जिल्ला संकट व्यवस्थापन केन्द्रको बैठकले पिसिआर जाँच गर्नका लागि आवश्यक पर्ने उपकरण सहितको ल्याव स्थापनाका लागि सामाजिक विकास मन्त्रालय वागमती प्रदेश हेटौडामा अनुरोध गरिएको छ ।

उक्त ल्याव स्थापना गर्न जिल्ला भुसंरक्षण भवनलाई कोभिड–१९ को प्रयोगशालाको रुपमा परिणत गर्ने निर्णय गरिएको छ । जिल्लामा भारत लगाएतका स्थानबाट जिल्लामा फर्कने क्रम बढिरहेकाले नगरपालिकाको हकमा कम्तिमा ५०० र गाउँपालिकाको हकमा २०० वेडको न्युनतम सुविधा सहितको क्वारेन्टाइन वनाउन अनुरोध गर्ने निर्णय गरेको छ ।

जिल्लामा हाल ३३ वेडको अइसोलेसन र क्वारेन्टाइन वेडको संख्या २५९ रहेको छ । सदरमुकाममा न्युनतम ५० वेड संख्या थप गर्न सम्बन्धित सवै पालिकामा अनुरोध गर्ने निर्णय गरिएको छ । कोरोना भाइरसबाट बच्न आवश्यक पर्ने स्वास्थ्य सामाग्रिहरुको अभाव हुन नदिन सामाजिक विकास मन्त्रालय हेटौडालाई अनुरोध गर्ने निर्णय गरिएको छ ।

Comment here