समाचार

मेडिकलमा बिरामीको मृत्यु, आफन्तद्वारा मेडिकल घेराउ

शिशिर सिंखडा

चितवन, १५ बैशाख २०७७

पुर्बी चितवनको कालिका २,स्थित प्रकाश मेडिकलमा बिरामीको मृत्यु भएको भन्दै आफन्त हरुले मेडिकल घेराउ गरेका छन । आज (सोमबार) बिहान पेट दुखेर मेडिकल पुगेकी २५ बर्षिय निरमाया थिङको सोही मेडिकलमा मृत्यु भएको निरमायाका श्रीमान भिम मोक्तानले बताउनुभयो ।

मेडिकलमा उपचारमा लापरवाही भएको र उनको थप उपचारको लागि मेडिकलले भरतपुर पठाए पनि पुरानो मेडिकलमा पुग्दा श्रीमतीको मृत्यु भइसकेको मोक्तानले बताउनुभयो । पर्सा जिल्लाको ठोरी ५,सुबर्णपुर घर भएका उनिहरु हाल कालिका १,लंकालाइनमा भाडामा बस्दै आएका थिए ।

यता मेडिकल संचालक प्रकाश रिजालले बिरामीको पेट दुखेकोले दुखाइ कम गराउने डिक्लोफेनिक र ग्यास्टिकको सुक्राफिल औसधी दिइ भरतपुर पठाइएको बताउनुभयो  । मेडिकल संचालक रिजाललाई सोधपुछका लागि ईलाका प्रहरी कार्यालय टाँँडी लगेको प्रहरीले जनाएको छ । अहिले मृतकको शब सरकारी अस्पतालमा पोस्टमाटमको लागि राखिएको प्रहरीले जनाएको छ ।

Comment here